لا مكان لظلاميين في تونس

   انا تونس اما هوما شكون  ؟

تونس … بنية مزيانة واعية قارية بنية قوية و جبينها عالي و راسها مرفوع بالعلم و الثقافة شرفها غالي برشا حتى حد ماينجم يتعدى عليها .تونس فدلاكة و تحب الزهو و الطرب تحب الغناء و العروسات و الطبال و الحنة تحب الملية و التراث تونس بنت عائلة كبيرة و محافظة , العروسة الى نحكيلكم عليها تحب الربيع و اللون الاخضر تموت على العلم الاحمر الي في وسطه النجم و الهلال و تفدي روحها على خاطر النشيد الوطني و تحب الصيف برشا تحب السهارت و العشويات و ريحة المشموم تحب البحر و الياسمين
  

 تونس متفتحة و معتدلة تعاشر المسيحي و المسلم و اليهودي اما خسارة تونس تعدات بظروف صعيبة شوية من اول ما خلقت كانت تحلم تكون الاحسن و الاحلى كانت تطمح لافضل اما الى صار خليها ترجع لتالي في عوض تقدم قاعدة توخر  قاعدة تقاوم تتحدى تحاول تثور على الواقع اما واحدها ما تنجمش قاعدة يطيح بشوية بشوية برغم وجيعتها اليوم ما حبت تعمل على حتى حد و لا تستنات حاجة من عند حد تونس حالفة بيمين انها تعلن نصرها على قريب و تشد روحها و ترجع حلوة و مسرارة كيما عرفتوها 

تونس  قالتلكم  راسي عالي و راني لا بش نرض بالذل و لا بش نتذل انا صامدة و كرامتي عالية صحيح الى طامعين فيا برشا و الي يذيوا فيا برشا ما انا  بش ناقف في وجهوهم ,هما نساوا و لا مايعرفوش الى انا مستنسا بالنار و الوجيعة و الخيانة اما تعلمت من كل شي الي النار و لا العار و اليوم مانيش بش نسامح الى بش ياقف في وجهي بش نحرقوا بناري و نمحيه من وجه الدنيا , انا تونس انا الي تلقوا عندي الحضارات انا التاريخ انا الثقافة انا درة المتوسط انا القوية انا كبيرة برشا اكبر منهم الكل و بيدي بش نخذ حقي و ما نيش بش نسلم في ارضي 

... 

 انتخبوا على خاطري قلوا لا لارهاب و التطرف